|
Dialetto: Veneto
Tùti savèva
I altri no capìva,
tuti niàltri no capìvimo
quando che la laguna gavèva
el colòr de'l sanguàzzo
e i siègoli bochizàva panza
par aria, quando che de note
i verzèva i camìni
par far 'ndàr fora l'anidride
solforòsa che destacàva le ale
a ave e pavège...
Tuti 'spetàvimo
quei quatro bezzi che savèva
de sangue e suòri,
de umiliassìon e privassiòn,
'lora i fassèva studiar i fiòi
par quel toco de carta,
parchè no i fassèsse quela Vita
d'inferno,
intanto i nostri pari, i conpagni
gera schedài da la Polissìa,
scomunicài da'l Vaticano e dai preti,
solo spie e licacùli fasseva strada
par queli sinque franchi de più a l'ora...
E lori savèva,
i vegnìva a benedìr li inpiànti,
a inaguràr el repàrto CVM
po' d'inprovìso rivàva el "BRUTO MAL"
o prima de 'ndàr in pensiòn
o subito dopo,
el prete no volèva la bandiera rossa
in cèsa, fora ghe gera chi alzàva
el pugno serà, chi che se sugàva
'na làgrema, chi che maledìva i paròni a vose bassa...
No ghe gera tenpo par fermàrse
nonostante tuto la Vita dovèva continuàr...
|
|
Traduzione in italiano
Tutti sapevano
Gli altri non capivano,
tutti noi non capivamo
quando che la laguna aveva
il colore del sangue marcio
e i cefali boccheggiavano pancia
all'aria, quando che di notte
aprivano i camini
per far uscire fuori l'anidride
solforosa che distaccava le ali
ad api e farfalle...
Tutti aspettavamo
quei quattro soldi che sapevano
di sangue e sudori,
di umiliazioni e privazioni,
allora facevano studiare i figli
per quel pezzo di carta,
perchè non facessero quella Vita
d'inferno,
intanto i nostri padri, i compagni
erano schedati dalla Polizia,
scomunicati dal Vaticano e dai preti,
solo spie e leccaculi facevano strada
per quelle cinque lire in più
l'ora...
E loro sapevano,
venivano a benedire gli impianti,
ad inaugurare il reparto CVM
poi d'improvviso arrivava "IL BRUTTO MALE" o prima d'andare in pensione
o subito dopo,
il prete non voleva la bandiera rossa
in chiesa, fuori c'era chi alzava
il pugno chiuso, chi si asciugava
una lacrima, che malediva i padroni
a voce bassa...
No c'era tempo per fermarsi
nonostante tutto la Vita doveva
continuare...
|
