Riveasca zeneize
Mi
son vegnûa chì da a rivëa
a a fin d’in vegio settembre,
e scibben che son innamoà de Zena
ghe saià sempre
drento de mi
quarcosa de levantin.
A sett’anni
me son sërrà in cà.
A l’ea finia in co a màina
e e torte d’àina:
Oua
gh’ea solo
‘na ciasëta polverosa
sciaccà fra palazzi troppo erti.
A l’è stæta dûa
ma son cresciûa fin troppo fïto!
E Zena m’ha piggiou pe a man,
intanto che se fâxeiva sempre ciù bëla
lè
e mi sempre ciù vëgia.

Rivierasca genovese
Io
sono venuta qui dalla riviera
alla fine di un vecchio settembre,
e anche se amo Genova
ci sarà sempre
dentro di me
qualcosa di levantino.
A sette anni
mi son chiusa in casa.
Era finita con la spiaggia
E le torte di sabbia.
Ora
C’era solo
una piazzetta polverosa
schiacciata fra palazzi troppo alti.
È stata dura
ma son cresciuta fin troppo presto!
E Genova m’ha preso per mano
mentre si faceva sempre più bella
lei
e io sempre più vecchia.