|
Dialetto: Calabria
U FERRU PI STIRARI
U nosrru caru ferru pi stirari
pirdìu c’u tempu tutta ’a so’ ’fficènza
e ss’àv’a rricanùssciri, an cusscènza,
chi sbàgghia cu’ nd”u vôli rriparari.
Cchiù ddi na cosa s’èpp’a ccunzumari,
u marchingegnu soffri ’i fatisscènza,
frìji pirchì bbruciata è ’a rrisistenza,
na scossa ndi putissi furminari.
’A famìgghia, s’è ssana e nd’àvi gnegnu,
passata ’a sissantina si rrinnova.
Dopu un longu pirìudu di prova
si lìbbira d’u ferru e dd’ogni mpegnu,
ndi trova unu ’i n’àutru disegnu,
di n’àtru tipu, di na marca nova.
(19-04-2009)
|
|
Traduzione in italiano
IL FERRO DA STIRO
Il nostro caro ferro da stiro
ha perso col tempo tutta la sua efficienza
e bisogna riconoscere, in coscienza,
che sbaglia chi ce lo vuole riparare.
Più di una cosa s’è potuta consumare,
il marchingegno soffre di fatiscenza,
frigge perché bruciata è la resistenza,
una scossa ci potrebbe fulminare.
La famiglia, se è sana e ha giudizio,
passata la sessantina si rinnova.
Dopo un lungo periodo di prova
si libera del ferro e di ogni impegno,
ne trova uno di un altro disegno,
di un altro tipo, di una marca nuova.
|
