|
Dialetto: Campania
'O TIEMPO VOLA!
Uh ssèvere … rrobba ca nun se crere!
‘o tiempo corre, vola… ‘Nu mumento
e ppassano ‘e gghiurnate comme ô viento:
mmo mmo era ogge e ggià s’è ffatto ajere…
È ‘nu revuoto: mise e anne intere
sciuliano ‘a dint’ ê ddete, tiene mente
e se ne vanno, vide?, dinto a nniente
e all’intrasatta… ‘o ssa’?! E ‘o fatto è sserio
ca nce simmo truvate bbella mia,
vista la svista, viecchie e ammatuntate
e ce passa pe ll’uocchie ‘a nustalgia
d’’e juorne nuoste ca so’ trapassate
lassannoce ‘e ricorde e dint’ ê mmane
manco ‘a speranza d’arrivà a dimane!...
ca pure c’ arrivasse
n’attimo durarria, n’attimo appena
e súbbeto sparesse, ‘a copp’ â scena!
|
|
Traduzione in italiano
IL TEMPO VOLA
Uh davvero … roba da non credere!
il tempo corre, vola… Un momento
e passano i giorni comme il vento:
or ora era oggi e già si’è fatto ieri…
È una confusione : mesi ed anni interi
scivolanovia dalle dita,osserva
e se ne vanno, guardi?, in un niente
e all’improvviso… sai’?! E il fatto è serio
che ci siamo ritrovati bella mia,
rapidamente, vecchi ed ammalati
e ci passa per gli occhi la nostalgia
dei giorni nostri che sono passati
lasciandoci i ricordi e nelle mani
neppure la speranza di arrivare a domani!...
che se anche arrivasse
un attimo durerebbe un attimo appena
e súbito scomparirebbe, dalla scena!
NOTA
Letteralmente l'espressione esclamativa napoletana "uh ssevere" è corruzione del francese c'est vrai (des faux)= è veramente da folli
|
